مرحبا ًبكم إلى الإنترنت

سهرانْ
وما فييْ حيلْ
ناطرْ مستني إيميل  ( E-mail )
الصّبحْ وبعد العصرْ نهارْ وليلْ
عالياهوو عملنا ( تشاتنك ) ( chatting )
وحكينا منْ ميلْ لميل ْ
أنا قلا اعطيني العنوانْ
وهيي تقلي شيّلْ شيلْ
دبلوا عيونا أم عبدو
سهرانه عالإنترنيت
قصتْ شعراتا غرّه
وحطّتْ فوقنْ كيلو جيلْ
وعزمتْ درّه وفتحيّه
وعملتْ أحلى صبحيّه
وحطّت عالنارْ القهوه
زرزورْ ومافيا هيلْ
الله يديم الإنترنيت
ويتغندر من بيتْ لبيتْ
وكلْ شهر تجينا الفاتوره
بتشقْ وبتهدّ الحيلْ
الحضاره إلها ضريبه
حتى لو بعدا خريبه
غطّ وخدلكْ نتوفه
ومنْ بعدا
فليكن السّيلْ


الدكتور محمود إسماعيل خليل
سوريا- حمص- ص ب 5455
Mahmoud9@scs-net.org