حكيم السن

منْ بعدْ جدّ وتعبْ
وسهرْ وليالي طوالْ
خدتْ الشهادة ِ
وبعدْ طولْ سنينْ
دمعْ وفرحْ بيناتها
و بيناتها مرّ وحلو

*       *      *      *

فتحنا عيادة
اتكللت متل العروس
بليلة زفافا
والفرح ما أجملو

*        *         *

و قلنا لكلّ النّاس
هوني في طبيبْ
و بالله يا هالحلوين
تبقوا تفضّلوا

*         *        *

وليلة من ليالي الشّتي
والتّلج حد البابْ
دق الجرسْ
و جفون عيني اتهدّلوا

*       *             *

طلت صبيّة
من الألم عم تلتوي
و قالت بعد ما اتنهدت
وشعراتها فوق الكتاف اتجدّلوا

*          *          *

يا حكيم السن
عم ارجف ألم
دخلك دخيلك
ما عدت اتحمّلوا

*            *            *

صار لي من مبارح
ما دقت طعم النّوم
انكنك مش مصدق
هي بييّ اسألو

*            *          *

قلتلها المتلك
بيداوي قلوب
كيف بقدر أنا
داوي العيون
العم يتدبّلوا

*             *             *

وتا ضلّ غافي
بالعسل
مية سنة
يا ريتني سن الدّهب
ومزينة التم الحلو

الدكتور محمود إسماعيل خليل
سوريا حمص ص ب 5455
Mahmoud9@scs-net.org